Ekatmik And Dvibhashik Textbook Teacher Traning| एकात्मिक व द्विभाषिक पाठ्यपुस्तक शिक्षक प्रशिक्षण वर्ग

Ekatmik And Dvibhashik Textbook Teacher Traning शैक्षणिक वर्ष २०२२-२३ करिता महाराष्ट्र राज्य पाठ्यपुस्तक निर्मिती व अभ्यासक्रम संशोधन मंडळ ( बालभारती) मार्फत इयत्ता पहिलीच्या वर्गासाठी तसेच ४८८ आदर्श शाळांमधील दुसरीच्या वर्गासाठी एकात्मिक व द्विभाषिक पाठ्यपुस्तकाची निर्मिती करण्यात आली आहे. त्याला अनुसरून शिक्षकांचे ऑनलाईन प्रशिक्षण घेण्यात येणार आहे. याबाबतचे नुकतेच प्रशिक्षण पत्रक देण्यात आलेले आहे.

Ekatmik-And-Dvibhashik-Textbook-Teacher-Traning-2022

महाराष्ट्र शासन शालेय शिक्षण व क्रीडा विभाग राज्य शैक्षणिक संशोधन व प्रशिक्षण परिषद, महाराष्ट्र ७०८सदाशिव पेठ, कुमठेकर मार्ग, पुणे ४११०३०.

जा. राप्रपम/आंगुक / प्रशिक्षण / २०२२/४०३० दि. १०/०८/२०२२

विषय : एकात्मिक व द्विभाषिक पाठ्यपुस्तक शिक्षक प्रशिक्षण वर्गासाठी उपस्थित राहणेबाबत........

शैक्षणिक वर्ष २०२२-२३ करिता महाराष्ट्र राज्य पाठ्यपुस्तक निर्मिती व अभ्यासक्रम संशोधन मंडळ ( बालभारती) मार्फत इयत्ता पहिलीच्या वर्गासाठी तसेच ४८८ आदर्श शाळांमधील दुसरीच्या वर्गासाठी एकात्मिक व द्विभाषिक पाठ्यपुस्तकाची निर्मिती करण्यात आली आहे. त्या अनुषंगाने राज्यातील मराठी व उर्दू माध्यमांच्या सर्व शासकीय व शासकीय अनुदानित शाळांमधील इयत्ता पहिलीच्या वर्गाला अध्यापन करणाऱ्या शिक्षकांना तसेच ४८८ आदर्श शाळांमधील इयत्ता दुसरीच्या वर्गाला अध्यापन करणाऱ्या शिक्षकांना एकात्मिक व द्विभाषिक पाठ्यपुस्तकावर आधारित ऑनलाईन प्रशिक्षणाचे आयोजन राज्य शैक्षणिक संशोधन व प्रशिक्षण परिषद महाराष्ट्र पुणे मार्फत दिनांक १७ ऑगस्ट व १८ ऑगस्ट २०२२ रोजी सोबत दिलेल्या वेळापत्रकानुसार आयोजित करण्यात आले आहे.

तरी सदर प्रशिक्षण वर्गासाठी आपल्या जिल्ह्यातील मराठी व उर्दू माध्यमांच्या सर्व शासकीय व शासकीय अनुदानित शाळांमधील इयत्ता पहिलीच्या वर्गाला अध्यापन करणाऱ्या सर्व शिक्षकांना तसेच ४८८ आदर्श शाळांमधील इयत्ता दुसरीच्या वर्गाला अध्यापन करणाच्या शिक्षकांना (फक्त मराठी माध्यम) आणि जिल्हा शिक्षण व प्रशिक्षण संस्थेतील कार्यरत आदर्श शाळा संपर्क अधिकारी यांना उपरोक्त नमूद कालावधीत उपस्थित राहण्यासाठी अवगत करण्यात यावे.

सदर ऑनलाईन शिक्षक प्रशिक्षण माहिती आपल्या अधिनस्य पर्यवेक्षीय यंत्रणेतील अधिकारी शाळा मुख्याध्यापक व शिक्षक यांच्यापर्यंत पोहोचविण्यात यावी तसेच सदर ऑनलाईन शिक्षक प्रशिक्षणास उपस्थित राहणेबाबत आपल्या स्तरावरून आवश्यक ती कार्यवाही करण्यात यावी. सोबत प्रशिक्षण वेळापत्रक दिले आहे.